Mbrëmë, Kryetari i Komunës së Malishevës, Ekrem Kastrati, organizoi iftarin tradicional me rastin e muajit të shenjtë të Ramazanit, ku morën pjesë familjet e dëshmorëve dhe përfaqësues të Bashkësisë Islame në Malishevë.
Me këtë rast, kryetari Kastrati shprehu mirënjohjen dhe respektin e veçantë për sakrificën dhe kontributin e familjeve të dëshmorëve, duke theksuar rëndësinë e ruajtjes së vlerave të solidaritetit, respektit dhe bashkimit që përcjell muaji i Ramazanit.
Nga një fjalë rasti mbajtën edhe kryetari i BIK në Malishevë, Sead Paçarizi, kryetari i Shoqatës së Familjeve të Dëshmorëve në Malishevë, Ilaz Krasniqi, si dhe përfaqësuesi i OVL UÇK në Malishevë, Feriz Krasniqi.
Ky iftar tradicional u organizua në frymën e respektit dhe mirënjohjes ndaj familjeve të dëshmorëve dhe rolit të Bashkësisë Islame në komunitet.
