Komiteti për Politikë dhe Financa (KPF), nën drejtimin e kryesuesit të Kuvendit të Komunës së Malishevës, Fatmir Ademaj, ka mbajtur sot mbledhjen e pestë urgjente për këtë vit.
Gjatë mbledhjes, pas shqyrtimit të pikës së rendit të ditës, KPF-ja ka rekomanduar për shqyrtim dhe miratim në Kuvendin e Komunës projekt-rregulloren për Taksa, Tarifa dhe Ngarkesa Komunale, për vitin 2027.
Projekt-rregullorja para anëtarëve të KPF-së është prezantuar nga drejtori i Drejtorisë për Zhvillim Ekonomik dhe Turizëm, Arbër Kastrati, i cili gjatë prezantimit është përgjigjur edhe në pyetjet dhe kërkesat për sqarime të anëtarëve të Komitetit për Politikë dhe Financa.
