Në Qendrën për Punë Sociale në Malishevë është mbajtur një aktivitet vetëdijesues kundër trafikimit me qenie njerëzore, udhëhequr nga Koordinatorja për të Drejtat e Njeriut dhe Barazi Gjinore, Vera Bytyçi.
Në këtë aktivitet morën pjesë drejtoresha e Qendrës për Punë Sociale, Besjanë Mazreku, si dhe nxënës të shkollës fillore “Ibrahim Mazreku”.
Drejtoresha Mazreku falënderoi Koordinatoren Bytyçi për organizimin e aktivitetit në këtë institucion, duke theksuar rëndësinë e vetëdijesimit për këtë dukuri, me të cilën Qendra për Punë Sociale përballet drejtpërdrejt.
Fushata ka filluar më 18 tetor dhe po vazhdon përmes ligjëratave vetëdijesuese në shkollat e Komunës së Malishevës, me qëllim të informimit të fëmijëve dhe të rinjve për rreziqet e trafikimit me qenie njerëzore dhe rëndësinë e parandalimit të tij.
