Malishevë, 4 korrik
Komiteti për Komunitete mbajti mbledhjen e shtatë të rregullt, ku kryesuesi Amrush Helshani, në emër të komitetit, i falënderoi bashkëpunëtorët nga institucionet publike dhe shoqëria civile, duke i nderuar me mirënjohje për kontributin e tyre në integrimin e komuniteteve në Malishevë.
Në ceremoni mori pjesë edhe kryetari i komunës, Ekrem Kastrati, i cili vlerësoi punën e të gjithë atyre që angazhohen për integrim, barazi, mirëqenie dhe tolerancë ndërmjet komuniteteve.
Me këtë rast u nderuan përfaqësues të OJQ-ve, drejtorë institucionesh dhe akterë të tjerë që kanë ndihmuar në ndërtimin e një shoqërie më gjithëpërfshirëse.
