Kryetari i Komunës së Malishevës, Ekrem Kastrati, ka vizituar sot shkollën e mesme profesionale IAAP “Lasgush Poradeci” në Kijevë, ku është pritur nga drejtori i shkollës, Burim Gashi.
Gjatë vizitës, kryetari Kastrati është njoftuar nga afër me ecurinë e fillimit të vitit të ri shkollor, kushtet në të cilat po zhvillohet procesi mësimor, si dhe siguria në ambientet shkollore. Kryetari Kastrati, ofroi mbështetjen e plotë të komunës, për zhvillimin e arsimit dhe rritjen e cilësisë.
Nga ana e tij, drejtori Gashi falënderoi kryetarin për vizitën dhe interesimin e treguar, duke theksuar bashkëpunimin e vazhdueshëm mes shkollës dhe komunës në funksion të një arsimi më cilësor.
