Le të flasim: “Rri n’Kosovë, se ma mirë s’ka”
“Le të flasim” është një seri takimesh të fokusuara te të rinjtë, që zhvillohen nëpër komuna të ndryshme të Kosovës. Këto ngjarje sjellin së bashku të rinj, anëtarë të komunitetit dhe udhëheqës lokalë për të diskutuar sfida reale, për të ndarë ide dhe për të bashkë krijuar zgjidhje lokale. Përmes dialogut të hapur, kjo iniciativë synon t’i frymëzojë të rinjtë të shohin të ardhmen e tyre pikërisht këtu – sepse vërtet nuk ka vend më të mirë se Kosova.
Në këto takime, zëri i të rinjve ka rëndësi të veçantë, duke u dhënë atyre mundësinë të ndikojnë drejtpërdrejt në zhvillimin e komuniteteve të tyre.
Ju ftojmë të na bashkoheni në takimin e ardhshëm, që do të mbahet në komunën e Malishevës, më datën 29.07.2025, në orën 11:00. Ky është momenti juaj për t’u dëgjuar, për të ndarë idetë tuaja dhe për të lënë gjurmë të vërteta në zhvillimin e komunitetit.
