Me rastin e pensionimit të Rexhep Mazrekut, këshilltar i Kryetarit të Komunës së Malishevës, Ekrem Kastrati, për kulturë dhe sport,personalitete institucionale lokale dhe opinioni publik ndalen me respekt për të vlerësuar një rrugëtim të gjatë e dinjitoz në shërbim për kauza kombëtare dhe të jetës institucionale e publike në shërbim të qytetarëve.
Rexhep Mazreku ka qenë një personalitet me përvojë të gjerë profesionale, i cili për dekada me radhë ka mbajtur dhe drejtuar pozita të rëndësishme shtetërore në Republikën e Kosovës. Në çdo detyrë të besuar, si, mësimdhënës, drejtor shkolle, veprimtar i çështjes kombëtare, i rreshtuar drejtpërdrejt në luftën e UÇK-së, pas lufta vazhdoi si, drejtor në drejtorinë e kulturës, nënkryetar komune, asamblist komunal, zëvendësministër në MKRS, ku do që ka punuar, ai është shquar për korrektësi, përgjegjësi institucionale dhe përkushtim ndaj interesit publik.
Në rolin e këshilltarit për kulturë dhe sport pranë Kryetarit të Komunës së Malishevës Ekrem Kastrati, Mazreku ka dhënë një kontribut të veçantë në forcimin e jetës kulturore dhe sportive në komunë, duke mbështetur iniciativa që promovojnë vlerat kombëtare, edukimin kulturor dhe zhvillimin e rinisë përmes sportit.
Në këtë ceremoni pensionimi të bashkëpunëtorit të tij Rexhep Mazrekut, Kryetari i Komunës së Malishevës, Ekrem Kastrati theksoi. Angazhimi i tij ka qenë gjithnjë i qetë, profesional dhe i orientuar drejt bashkëpunimit ndërinstitucional. Pensionimi i Rexhep Mazrekut shënon përmbylljen e një kapitulli të rëndësishëm të shërbimit publik, por edhe të ndikimit të tij pozitiv, i cili mbetet i pranishëm përmes veprës dhe përvojës së lënë pas, tha mes tjerash Kryetari i Komunës së Malishevës, Ekrem Kastrati dhe vazhdoi.
Ai largohet nga detyra me nder, duke fituar respektin e kolegëve, bashkëpunëtorëve dhe qytetarëve.
Institucioni komunal, bashkëpunëtorët dhe komuniteti i kulturës e sportit i shprehin mirënjohje të thellë për kontributin e dhënë ndër vite, duke i uruar shëndet, jetë të gjatë dhe një pensionim të qetë e dinjitoz.
Në fund, për Rexhep Mazrekun, Kryetari Ekrem Kastrati, SHKL ‘ Tafil Kelmendi ‘, dhe të jerë ndanë mirënjohje.
Ndërsa, Rexhep Mazreku, falënderoj gjithë të pranishmit edhe për vlerësimet si dhe për mirënjohjet, duke u zotuar që edhe pas pensionimit do të vazhdoi të kontribuoi për familjen, kombin dhe shtetin tim.
ju faleminderit të gjithëve.
