Kryetari i Komunës së Malishevës, Ekrem Kastrati, ka zhvilluar sot takim me humanistin e njohur të Shoqatës “Jetimat e Ballkanit”, z. Halil Kastrati.
Në këtë takim u nënshkrua një marrëveshje bashkëpunimi mes kryetarit Kastrati dhe humanistit z.Halil Kastrati për ndërtimin e një Shtëpie për të Moshuar në Malishevë, si dhe u bë Vënia e gurthemelit të projektit “Ndërtimi i qendrës për të moshuar, fëmijë me nevoja të veçanta dhe kuzhinës humanitare në Malishevë”.
Projekti për ndërtimin e Shtëpisë së të Moshuarëve në Malishevë ka një vlerë mbi 3 milion euro dhe po realizohet me përkushtimin e madh të shoqatës humanitare Jetimët e Ballkanit, e cila vazhdon të jetë një dritë shprese për shumë familje dhe individë në nevojë.
Ndërtimi i kësaj qendre është bashkëfinancim në mes të Shoqatës Bamirëse “Jetimat e Ballkanit” dhe Komunës së Malishevës e cila do t’u ofrojë kushte të denja, përkujdesje dhe dashuri të moshuarve që kanë nevojë si dhe personave me nevoja të veçanta.
