Sot u mbajt mbledhje komemorative për mësimdhënësen Florentinë Krasniqi- Mazreku pasi ndërroi jetë. Ceremonin e komemoracionit e organizoi, SHFMU-ja ‘Ibrahim Mazreku’, ndërsa morën pjesë edhe institucionet komunale qeveritare e arsimore. Në emër të Drejtorisë për Arsim dhe Edukim fjalë lamtumirëse mbajti ish drejtoresha, Arbëreshë Krasniqi, tash deputete e Kuvendit të Republikës së Kosovës për mësimdhënësen Florentinë Krasniqi- Mazreku, ku mes tjerash tha: ‘ Jemi mbledhur këtu për të nderuar kujtimin e Florentinë Krasniqi – Mazreku, e cila ka lënë gjurmë të pashlyeshme në jetën familjare, arsimore dhe shoqërore. Ndarja e saj nga jeta, ka krijuar një boshllëk të madh, por kujtimet dhe veprat e saj do të jetojnë gjithmonë në zemrat tona,dhe vazhdoi, ajo ishte një person i jashtëzakonshëm, e njohur për cilësitë dhe vlerat e saj, si përkushtimi, dashuria për familjen, për arsimin, nxënësit , mësimdhënësit . Ajo na la vepra e porosi të rëndësishme pas, dhe ndikimi i saj do të mbetet i paharrueshëm. Sot, teksa e kujtojmë, le të mos qajmë vetëm për humbjen, por edhe të nderojmë jetën e saj dhe veprimtarinë mësimore dhe edukative që bëri me nxënësit, njëherit kujtojmë momentet e bukura që kemi ndarë me të sa ishte në jetë dhe trashëgiminë që ka lënë pas . Florentinë, do të mbetesh gjithmonë në mendjet dhe zemrat tona. Pushofsh në paqe!
Në emër të SHFMU-së ‘Ibrahim Mazreku’, për biografinë, jetën dhe veprën e mësimdhënëses Florentinë Krasniqi- Mazreku, fjalën e mbajti, drejtoresha Rrezarta Mazreku, ku tha ‘ Florentia ishte personifikimi i sukseseve të nxënësve në fushën e artit pamor, ajo për këto vepra dhe të arriturat me nxënës, u nderua me shumë mirënjhoje dhe çmime e ku do veçuar çmimin nga Ambasada e Republikës së Çekisë, në Republikën e Kosovës’.Në emër të dy familjeve të Florentinës, të pranishmit në mbledhjen komemorative i falenderua, Fadil Morian dhe Nuhi Mazreku.
