Me aktivitete kulturore dhe sportive kanë nisur manifestimet në shënim të 16 Qershorit – Ditës së Çlirimit dhe Ditës së Dëshmorëve të Komunës së Malishevës. Këto aktivitete organizohen në nderim të sakrificës së dëshmorëve, martirëve dhe të gjithë atyre që kontribuuan për lirinë e vendit nën përkujdesjen e Kryetaritt ë Komunës së Malishevës, Ekrem Kastrati.
Në kuadër të aktiviteteve për shënimin e 16 Qershorit – Ditës së Çlirimit dhe Ditës së Dëshmorëve të Komunës së Malishevës, u bë përurimi i veprës “Shkolla Shqipe në Gjenevë” të autorit Agim Paçarizi.
Në këtë ngjarje kulturore foli edhe kryetari i Komunës së Malishevës, Ekrem Kastrati, i cili vlerësoi rëndësinë e ruajtjes së gjuhës, kulturës dhe identitetit kombëtar te mërgata shqiptare.
Për librin folën edhe recensentët Jusuf Bytyçi dhe Hamëz Morina, Enver Mazreku, të cilët e vlerësuan veprën si një kontribut të çmuar në dokumentimin e historisë së arsimit shqip në diasporë dhe të angazhimit të mësuesve e veprimtarëve për ruajtjen e gjuhës amtare, autori ishte edhe kontribues për shkollat e malishevës sidhe binjakizimin e komunës së Malishevës dhe Komunës së Meyrinit në Zvicër.
Në fund, autori falënderoi të pranishmit për pjesëmarrjen dhe mbështetjen, duke shprehur mirënjohje për të gjithë bashkëpunëtorët dhe kontribuuesit që kanë ndihmuar në ruajtjen dhe zhvillimin e arsimit shqip në diasporë dhe në vendlindje.
Top of Form
Bottom of Form
